22 სექტემბერს მარნეულში მომხდარი ავტოსაგზაო შემთხვევა
ფატალური შედეგით დასრულდა.
Aktual.ge-ის ინფორმაციით, ავტოავარია მარნეულში, ე.წ. „ქვის საამქროების“ მიმდებარე ტერიტორიაზე მოხდა.
შემთხვევას მარნეულში მოქმედი რესტორნის, „JJB“-ის მფლობელი და შეფ-მზარეული ნამიგ გოჯაევი ემსხვერპლა.
არსებული ინფორმაციით, ნამიგ გოჯაევი ავტომობილში მარტო იმყოფებოდა. მისი მართვის ქვეშ მყოფი ავტომობილი ბოძს შეეჯახა.
აღსანიშნავია, რომ 22 სექტემბერს, საღამოს საათებში, მარნეულის მუნიციპალიტეტის სოფელ პირველი ქესალოს ტერიტორიაზეც მძიმე ავტოსაგზაო შემთხვევა მოხდა, რომელსაც საშუალო ასაკის მამაკაცის სიცოცხლე ემსხვერპლა.
