უკრაინის პრეზიდენტ ვოლოდიმირ ზელენსკის განცხადებით, ომის დაწყებიდან 55 000 უკრაინელი ჯარისკაცი დაიღუპა.
„ოფიციალური მონაცემებით, უკრაინაში ბრძოლის ველზე 55 000 ჯარისკაცი დაიღუპა, მათ შორის როგორც პროფესიონალი, ასევე მობილიზებული ჯარისკაცები“, - აღნიშნა ზელენსკიმ ფრანგულ მედიასთან ინტერვიუში.
მისივე თქმით, ასევე დიდია იმ ადამიანების რაოდენობა, რომლებსაც უკრაინა დაკარგულად მიიჩნევს.
გასული წლის თებერვალში NBC-თან ინტერვიუში ზელენსკიმ განაცხადა, რომ რუსეთთან სრულმასშტაბიანი ომის დროს 46 000-ზე მეტი უკრაინელი ჯარისკაცი დაიღუპა, ათიათასობით ადამიანი კი დაკარგულია, ან ტყვეობაშია.
