ისრაელის საჰაერო ძალებს ირანში დილის 3:00 საათის შემდეგ არანაირი დარტყმა არ განუხორციელებიათ, - ამის შესახებ ისრაელის თავდაცვის ძალებმა განაცხადა.
ამასთან, მათი თქმით, ლიბანში „ტერორისტული ორგანიზაცია „ჰეზბოლას“ წინააღმდეგ ბრძოლას“ აგრძელებენ.
ისრაელის საჰაერო ძალების ცნობით, მანამდე, ირანში ღამით განხორციელებული ფართომასშტაბიანი დარტყმების ტალღის დროს, ისრაელის საჰაერო ძალების გამანადგურებლებმა ბალისტიკური რაკეტების გამშვები პუნქტები და რამდენიმე რაიონში იარაღის წარმოების ძირითადი ობიექტები დაბომბეს.
