რომის პაპმა ლეო XIV-მ მორწმუნეებს მოუწოდა, კონფლიქტით დაზარალებულ რეგიონებში მშვიდობის დამყარებისთვის ილოცონ.
რომის პაპმა წმინდა პეტრეს მოედანზე ლოცვის წაკითხვის შემდეგ განაცხადა, რომ უკრაინაზე თავდასხმების ზამთრის ცივ დღეებშიც გრძელდება.
„ამ დღეებშიც კი, უკრაინა კვლავ განიცდის დაუნდობელ თავდასხმებს, რაც მთელ მოსახლეობას ზამთრის სიცივის წინაშე დაუცველს ტოვებს. მწუხარებით ვადევნებ თვალყურს მიმდინარე მოვლენებს, ახლოს ვარ მათთან, ვინც იტანჯება და ვლოცულობ მათთვის“, - აღნიშნა პაპმა.
მისი თქმით, გაჭიანურებული კონფლიქტი მუდმივად სერიოზულ შედეგებს იწვევს მშვიდობიანი მოსახლეობისთვის, აფართოებს უფსკრულს ხალხებს შორის და ხელს უშლის სამართლიან და მდგრად მშვიდობას.
„მოვუწოდებ ყველას, გააძლიერონ ძალისხმევა ომის დასასრულებლად. ვილოცოთ მშვიდობისთვის: უკრაინაში, ახლო აღმოსავლეთში და ყველა რეგიონში, სადაც, სამწუხაროდ, ადამიანები იბრძვიან ინტერესებისთვის, რომლებიც არ შეესაბამება მათი ხალხის ინტერესებს. მშვიდობა ადამიანების პატივისცემით შენდება!“ - აღნიშნა პაპმა.
