ბრაზილიელი მრბოლელი ფელიპე მასა, რომელმაც თურქეთის გრან-პრი სამჯერ მოიგო და ამ ტურნირის ისტორიაში ყველაზე წარმატებულ მრბოლელად ითვლება, სტამბოლს ეწვია. მისი ვიზიტი თურქეთში ფორმულა 1-ის 2027 წელს დაგეგმილ დაბრუნებას უკავშირდება. აღსანიშნავია, რომ მისი ვიზიტი თურქეთის ტურიზმის ხელშეწყობისა და განვითარების სააგენტოს (TGA) ორგანიზებით განახორციელდა.
ფორმულა 1-ის თურქეთის გრან-პრი 2027 წლის 1-3 ოქტომბერს „Istanbul Park“-ზე გაიმართება. თურქეთის გრან-პრი ფორმულა 1-ის კალენდარს რამდენიმე წლის შემდეგ უბრუნდება, ხოლო 2027 წელს „Istanbul Park“ რბოლას მეათედ უმასპინძლებს.
ფელიპე მასამ თურქეთის გრან-პრი ზედიზედ სამჯერ - 2006, 2007 და 2008 წლებში მოიგო. სამივე რბოლა მან პოულ პოზიციიდან დაიწყო. სწორედ 2006 წელს, სტამბოლში მოიპოვა მან კარიერაში პირველი გამარჯვება ფორმულა 1-ში. მასა ერთადერთი მრბოლელია, რომელმაც თურქეთის გრან-პრის სამივე რბოლა პოულ პოზიციიდან დაწყების შემდეგ მოიგო.ფორმულა 1-ში კარიერის განმავლობაში მასამ 11 რბოლა მოიგო და 16-ჯერ საუკეთესო სასტარტო პოზიცია დაიკავა. 2008 წლის მსოფლიო ჩემპიონატზე კი მეორე ადგილზე გავიდა და ჩემპიონობა მხოლოდ ერთი ქულით დათმო. ფორმულა 1-ის კარიერა მან 2017 წელს დაასრულა.
სტამბოლში ვიზიტისას მასა დაესწრო F1-ის ფილმის ღია ცის ქვეშ ჩვენებას, შეხვდა გულშემატკივრებს და მათ შეკითხვებს უპასუხა. მან ასევე მოინახულა ქალაქის ისტორიული ადგილები, მათ შორის აია-სოფია, ცისფერი მეჩეთი, ბაზილიკის ცისტერნა და იპოდრომი. გაიმართა ბოსფორის ტური და სადილი სრუტის ხედით.
მეორე დღეს მასა „Istanbul Park“-ზე დაბრუნდა, სადაც ავტომობილით მართვის სესიაში მიიღო მონაწილეობა, ინტერვიუ ჩაწერა და გულშემატკივრებსა და ჟურნალისტებს შეხვდა.ფელიპე მასამ შეხვედრის ბოლოს აღნიშნა - „სტამბოლი არასდროს დამავიწყდება“.
„სტამბოლ პარკი“ (Istanbul Park) ჩემთვის ყოველთვის განსაკუთრებული ადგილი იყო. არასდროს დამავიწყდება ის ემოციები, რაც იქ სამი წლის განმავლობაში განვიცადე. ახლა, როდესაც სტამბოლში, ფორმულა 1-ის დაბრუნებამდე, კვლავ ჩამოვედი და მრავალი წლის შემდეგ გულშემატკივრებს შევხვდი, ეს ჩემთვის დიდი ბედნიერებაა“, - განაცხადა მასამ.
ფელიპე მასას ვიზიტი TGA-ის საერთაშორისო სარეკლამო კამპანიის ნაწილია, რომელიც FORMULA 1® TURKISH GRAND PRIX 2027-ის პოპულარიზაციას ემსახურება. 2027 წელს „სტამბოლ პარკი“ თურქეთის გრან-პრის მეათედ უმასპინძლებს.
დამატებითი ინფორმაცია იხილეთ F1.com, tosfedistanbulpark.com და goturkiye.com-ზე.
